عن طريق الانترنت

النهارده أول حلقة من سلسلة "عن طريق الانترنت" اللى فيها هنعرض كذا طريقة تقدر تكسب بيها فلوس و انت قاعد على الكومبيوتر بتاعك

فيه كام قاعدة لازم نتفق عليها اﻷول
القاعده اﻷولى

اللى هنعمله ده اسمه
 "working from home"
يعنى فى اﻷساس شغل ، يعنى متفتكرش انك مش هتعمل حاجة و الفلوس هتنط من قدام شاشة الكومبيوتر

القاعدة الثانية
معظم الطرق اللى هنعرضها علشان تقدر تكسب منها كويس ، لازم تعلن عن الشغل بتاعك و تعمل شوية دعاية علشان تقدر تنشر الشغل بتاعك وتقدر تكسب منو كويس

القاعدة الثالثة
 متصدقش اى كلام يتقالك ع النت لازم تقرا و تدور كويس قبل ما تشترك فى أى حاجة

فى البوست اللى جاى هنبتدى مع بعض نشرح أول طريقة للكسب عن طريق الانترنت
Google Adsense

اهلا و سهلا يا اهلا و سهلا

اهلا بيكو

فى الزمن الجميل اللى الواحد عايش فيه ده ،  انا قررت اعمل المدونة دى علشان اناقش مع الناء شوية أفكار ازاى الواحد يقدر يكسب فلوس بسرعة ، و ازاى بردو يقدر يعمل حاجة صغبرة تقدر تجيبلو دخل اضافى من غير متكلفه مجهود

هتندهشوا لما تلاقوا افكار حلوة و سريعة و حلال و احنا مبنحبش نطبقها ، علشان بس بنتكسف نعملها قدام الناس

هتندهشوا لما تلاقو أفكار سهلة و بسيطة تقدر تعملها من بيتك حتى لو لسه متخرجتش و معاكش شهادة
هتندهشوا اكتر لما تلاقوا افكار كتير مش محتاجة رأسمال

إن شاء الله ربنا يوفقنا و نقدر نجمع مع بعض كل اﻷفكار الجديدة و القديمة